امريكي وعراقي وفرنسي في جهنم هع

فد مرة امريكي وفرنسي وعراقي كاعدين بجهنم

جان الامريكي اول شي


راح لابليس كلة ( ابليس ابليس بس اريد اخابر اهلي بنيويورك)


كلة الابليس
(تدلل عيوني هاك هذا الموبايل) (طبعا موبايل الابليس ابليسي 1740 الا دفرة)


جان يخابر الامريكي نص ساعة وكلة ها ابليس شكد تأمر؟(متأمل على الحساب)


جان يكلة ابليس: (120 دولار 2 ام الخمسين والباقي يكات لان ابو الكية مال السجن مياخذ بس يكات ) كلة الامريكي (ماعندي صرف) جان الابليس يكلة(ترة احطك بالسجن الي بيه دراكولا)


جان الامريكي يكلة(لا لا على كيفك دا اتشاقة هسة انطيك) طلع كل الي بجيبة وانطاهياه


وراه اجة دور الفرنسي بس سمع بالفلوس الي انطاهة الامريكي كلة بكل ادب علمود يتعاطف وياه ابليس بس بلة زحمة اخابر اهلي اباريس)


كلة ابليس مو تدلل هاك موبايلي دك الرقم وديربالك دك اول شي 3 صفارة لان احنة بجهنم وشوية الخضرة دوسهة قوي)


هذا خابر هم نص ساعة وكلة ها عيوني شكد تريد أأمرني أمر (طبعا عبالة فد دولارين)


جان يكلة: (حبيبي 120 دولار) هذا انصدم وانطاهياه


جان يجي اخر شي العراقي وكلة بكل ضوجة وعصبية : (متدك على اهلي ابغداد وبسرعة وبس شوية وخر لان راح احجي هواية وفد استكانين شاي)


جان الابليس يكلة: (انتة تأمرني امر مو تدلل) دك الرقم وكام يحجي العراقي حجة ساعة وكمل ساعة ونص صارت ساعتين ومكمل حتى الموبايل حمض واخر شي سدة بعد مصارت 3 ساعات


كلة (اشكد اتريد) جان ايكلة ابليس (انطيني دولارين دولار على كل ساعة واخر ساعة ابلاش)


هذولة الامريكي والفرنسي بس سمعوا الحجي مال ابليس والعراقي مخابر 3 ساعات كامو عليه


كلولة انتـــة شنو من احنة انخابر نص ساعة تاخذ 120 دولار ومن العراقي يخابر 3 ساعات وفوكاهة اخر ساعة مجانية وتاخذ منة دولارين


جان يكلهم (موهية من جهنم لي جهنم نفس الشي)